RIDHIWANI:SIASA NAZOFANYA HAZINA UHUSIANAO NA JK

MJUMBE wa Halmashauri Kuu ya Chama Cha Mapinduzi (NEC), Ridhiwani Kikwete,  ambaye ni mtoto wa Rais Jakaya Kikwete, amesema kuwa siasa anazofanya hazina uhusiano  na wala ubia na baba yake.

Ridhiwani ambaye ameongoza katika kura za maoni ya ubunge katika Jimbo la Chalinze, alitoa kauli hiyo juzi wakati akizungumza na waandishi wa habari, muda mfupi baada ya kutangazwa kuwa mshindi wa kura za maoni katika jimbo hilo.

Katika uchaguzi huo uliofanyika katika Shule ya Msingi Msata, Wilaya ya Bagamoyo, mkoani Pwani, Ridhiwani aliongoza kura hizo kwa kuwabwaga wapinzani wake watatu.