Mkali wa muziki wa kizazi kipya nchini, Salim Mohamed ‘Sam wa Ukweli’ amejipanga kurudi upya katika tasnia ya muziki huo baada ya kuwa kimya muda mrefu.
Akizungumza jijini Dar es Salaam jana, alisema yupo kwenye mikakati ya kuachia kazi yake mpya, ambayo ana imani mashabiki wake wataipenda kutokana na ujumbe uliomo.
“Naomba mashabiki wangu wakae mkao wa kula kunipokea upya, kwani nimepotea kwenye ‘game’ kwa kipindi fulani kutokana na sababu ambazo zilikuwa nje ya uwezo wangu,” alisema.
Alisema wimbo huo utakuwa ni zawadi kwa mashabiki ambao wamemkosa kwa kipindi kirefu.
Sam alishawahi kutamba na kazi zake kama ‘Sina Raha’, ‘Samaki’, ‘Hata Kwetu Wapo’ na nyinginezo ambazo zilimtambulisha na kufanya vizuri katika tasnia hiyo.
0 comments:
Post a Comment