ALIYEBADILI JINSIA ASHINDA KESI

Audrey amekuwa akitaka baraza la mitihani kubadili jina lake na utambulisho wake wa kijinsia

Mwanamke aliyebadili jinsia yake ya kiume na kuwa mwanamke na kutaka jina lake kubadilishwa kwenye cheti chake cha mtihani ameshinda kesi yake dhidi ya baraza la kitaifa la mitihani nchini Kenya.

Mahakama imelazimisha baraza hilo kumpa Adrey Mbugua cheti kipya kinachoonyesha hali yake mpya ya kijinsia hasa kwa kuwa anapokea matibabu ya kufanikisha jinsia yake kubadilika kabisa.

Bi Mbugua alilishitaki baraza la kitaifa la mitihani nchini humo kwa kukataa kubadililisha utambulisho wa jinsia yake kwenye cheti hicho kutoka kwa Mwanamme na kumtambua kama mwanamke licha ya amri iliyotolewa katika gazeti rasmi la serikali.

Jaji Weldon Korir amelipatia baraza hilo hadi siku 45 kubadilisha jina la Adrey katika cheti hicho kutoka kwa 'Andrew Mbugua' na utambulisho wa mwanamume na kulibadilisha kuwa jina la kike la 'Audrey Mbugua' bila ya kuweka jinsia yoyote.

Jaji alisema kuwa jinsia ya Adrey kwenye cheti hicho haiongezi thamani yoyote kwa matokeo yake wala alama alizopata Audrey na kuondolewa kwake vile vile hakuna athari yoyote.

Aliongeza kuwa Audrey ameonyesha kuwa yuko tofauti na hivyo ndivyo anavyopaswa kutambuliwa.
'Audrey ni mwanadamu ambaye anajitambua kwama mwanamke wala sio kama mwanamume jinsia aliyozaliwa nayo,'' alisema jaji.

Jaji alisema kuwa katiba ya nchi inaamrisha watu kuwaheshimu wengine kama ipasavyo bila ubaguzi wowote na kwamba heshima hiyo inahusu mambo mengi ikiwemo mtu anavyotaka kutambuliwa.

Aliongeza kuwa ili Audrey kuhisi kuwa sawa anapaswa kukubalika kama alivyo na kumyima haki hiyo ya kubadilisha jina lake katika chati chake itakuwa ukiukwaji wa haki zake za kibinadamu.

Wakili wa Audrey, aliambia mahakama kuwa mteja wake alizaliwa na kasoro ya kijinsia na kwamba anaendelea kupokea matibabu.

Posted By Unknown10:08

0

Continue Reading

MWANAUME APATA HISIA ZA UJAUZITO

Harry Ashby ni mwanaume wa kwanza nchini Birmingham kupata ruhusa ya kupumzika nyumbani baada ya kusumbuliwa na homa mithili ya mwanamke mja mzito.

 

Harry Ashby ameripotiwa kuwa na dalili za ujauzito kama mchumba wake

Amekuwa akipatwa na homa za vipindi hasa nyakati za asubuhi baada ya mchumba wake aitwae Charlotte kuwa mjamzito, mtandao wa Itv news umeeleza.

Habari zinasema mwanaume huyo mwenye miaka 29 anayefanya kazi ya ulinzi ,amesema ameongezeka uzito na tumbo limekua mithili ya aliye mjamzito na kudai kuwa anasumbuliwa na maumivu ya mgongo na cha ajabu amekuwa na hamu ya baadhi ya vyakula.

Harry ameripotiwa kuwa na dalili za kuwa mja mzito miezi miwili baada ya kubaini kuwa mchumba wake ni mjamzito.

Harry amekuwa akipatiwa dawa na inasemekana anaweza kudai mafao wakati akiwa katika mapumziko hayo.

Posted By Unknown04:03

0

Continue Reading

AL SHABAB WATANGAZA KIONGOZI MPYA BAADA YA KIFO CHA GODANE

Kundi la al-Shabab la nchini Somalia limemchagua Ahmed Umar (Ahmad Omar au Abu Ubaidah) kuwa mridhi wa Ahmed Abdi Godane (Abu Zubeyr) aliyeuawa katika mashambulizi yaliyoongozwa na Marekani siku ya Jumatatu kuamkia Jumanne ya wiki iliyopita.

Katika taarifa yake iliyonukuliwa na kituo cha habari cha Al Jazeera, kundi hilo limeapa kulipiza kisasi kwa mauaji ya mmoja wa waasisi wao likisema kuwa kifo cha mwanazuoni na kiongozi wao kinawalazimu kujitwika mabegani jukumu la malipo ambalo hawataliangusha wala kulisahau bila kujali muda wa kulikamilisha.

Kundi hilo limethibitisha kuuawa kwa Godane na viongozi wake wengine wawili.

Godane aliongoza al-Shabab tangu mwaka 2008 baada ya kifo cha mtangulizi wake, Aden Hashi Ayro ambaye naye aliuawa baada ya mashambulizi ya anga yaliyofanywa na Marekani huko kusini mwa mji wa Dhusamareeb.

Mashambulizi ya Jumatatu yalifanywa kwenye ngome ya al-Shabab huko Barawe yakimlenga Godane ambaye mwaka 2012 aliwekewa dau la dola za Kimarekani milioni $7 kama malipo kwa yeyote ambaye angewezesha na kufanikisha kukamatwa au kuuawa kwake.

Rais wa Somalia amekaririwa akiwataka wanamgambo wa al-Shabab kujisalimisha huku akiwapa siku 45 za msamaha kwa wapiganaji watakaotii wito huo.

Posted By Unknown09:20

0

Continue Reading

WABUNGE WA TANZANIA WAZITWANGA NGUMI KISA WIVU WA MAPENZI NCHINI MALAYSIA

Wabunge wa Bunge la Jamhuri ya Muungano wa Tanzania wanadaiwa kupigana huko Malaysia baada ya kukutana hotelini, wakati wajumbe wa Kamati ya Bunge ya Hesabu za Serikali (PAC), walipokuwa katika ziara ya kikazi nchini humo.
Tukio hilo lilitokea siku nne zilizopita baada ya mbunge wa kamati hiyo kutoka CCM kuvamiwa alipokuwa akipata kifungua kinywa kwenye hoteli aliyofikia na wenzake wawili mmoja wa CCM na mwingine wa CHADEMA. Majina ya wabunge hao watatu tunayahifadhi kwa sasa kwa sababu hatukuwapata kujibu tuhuma hizo.
Hata hivyo, mbunge wa CHADEMA ambaye siyo mjumbe wa PAC haikufahamika ilikuwaje akawamo katika ziara hiyo.
Habari zilizolifikia gazeti hili (Mwananchi) jana zinadai kuwa chanzo cha ugomvi huo masuala ya uhusiano na kwamba mbunge aliyevamiwa alipigwa vibaya.
Chanzo cha mbunge huyo kupigwa kinaelezwa kuwa ni hatua yake ya kuweka ujumbe kwenye mtandao wa WhatsApp unaowaunganisha baadhi ya wabunge, akiwasuta wenzake hao wawili kwamba wamekuwa wakichochea kuvunjika kwa uhusiano wake na mbunge mwenzake.
Ujumbe huo unadaiwa kuambatana na uliotumwa na wabunge hao wawili kwa binti mmoja anayefanya kazi katika benki moja mjini Dodoma ambaye pia anatajwa kuwa na uhusiano na mbunge huyo mwanamume, wakimtaka asiachane naye kwa maelezo kwamba mwenzao huyo atatamba.
Binti huyo alikuwa ametuma ujumbe kwenye mtandao wa pamoja na wabunge hao wawili akieleza kwamba ameamua kuvunja uhusiano wake na mbunge (mwanamume) kwa maelezo kwamba asingependa kuingia kwenye mvutano wa kimapenzi.
Baada ya kutuma ujumbe huo wabunge hao wawili (wanaotuhumiwa kumshambulia mwenzao), wanadaiwa kumjibu wakimsisitiza kuendelea na uhusiano huo mawasiliano ambayo yalikuja kunaswa na mbunge aliyeshambuliwa.
Inaelezwa kwamba baada ya kunasa mawasiliano hayo, mbunge huyo alichukua ujumbe wa wabunge hao kama ulivyo na kuuweka kwenye mtandao unaowaunganisha wabunge wengi akiwasuta kwamba ni wanafiki na kwamba wamekuwa wakihaha usiku na mchana kuhakikisha ‘ndoa’ yake inavunjika.
Kutokana na kuumbuliwa huko, wabunge hao walimvamia mwenzao hotelini na kumpiga mbele ya wenzake. Gazeti hili lilimpigia simu mbunge anayedaiwa kumpiga mwenzake kwa kiasi kikubwa na baada ya kuelezwa tukio zima na kabla ya ufafanuzi, alikata simu bila kujibu chochote.
Kiongozi wa msafara huo Makamu Mwenyekiti wa PAC, Deo Filikunjombe ambaye pia ni Mbunge wa Ludewa (CCM), alipopigiwa simu na mwandishi wetu hata kabla ya kuulizwa kuhusu ugomvi huo alisema: “Hakuna kilichotokea. Mimi ni mwandishi wa habari kama wewe, hakuna kilichotokea na hakukuwa na ugomvi wowote.”
Alisema katika siku za hivi karibuni kumeibuka mtindo wa wabunge kusingiziwa kuwa wamefanya jambo fulani, huku akisisitiza kuwa kama kulizuka ugomvi asingeweza kuficha chochote.

via gazeti Mwananchi

Posted By Unknown01:06

0

Continue Reading

TIBA,KINGA YA UKIMWI YAGUNDULIKA

Watafiti katika Chuo Kikuu cha Sayansi na Tiba cha Temple, Marekani wamegundua dawa ya kuangamiza Virusi Vya Ukimwi (VVU) ambayo ni ya uhakika zaidi ukilinganisha na zilizowahi kupatikana katika tafiti za awali duniani.

 

Dawa yao inaweza kutumika kwa tiba ya wanaoishi na VVU na kinga kwa wale ambao bado hawajaambukizwa.

Mmoja wa watafiti hao, Dk Kamel Khalili aliwaambia waandishi wa habari juzi mjini Philadelphia, Marekani kuwa tofauti na utafiti mwingine, wao wamegundua namna ya kukiondoa kirusi kilichoingia kwenye kinasaba (DNA) ndani ya CD4 na kukitoa nje na hatimaye kukiua.

Alisema dawa hiyo inafanya kazi hiyo bila kuathiri seli za mwili wa binadamu.

Dk Khalili alisema ugunduzi wao ni wa hali ya juu zaidi kwa sababu teknolojia ya kutengeneza dawa hiyo ni tofauti na nyingine zilizokwisha kugunduliwa ambazo hazina uwezo wa kupenya ndani ya seli za binadamu, bali kuathiri tu VVU vilivyopo nje yake, ndani ya mfumo wa damu.

“Dawa yetu inakivuta kirusi nje ya seli (CD4) bila kuiathiri seli yenyewe na kukiua. Hivyo dawa hii itatumika kwa muda fulani na kuua virusi vyote mwilini na hakuna haja ya kuitumia wakati wote kama ilivyo dawa ya kufubaza VVU (ARV).”

ARV huangamiza VVU vilivyopo kwenye damu na kuendelea kuviacha hai vile ambavyo tayari vimeingia ndani ya CD4, hivyo kufanya virusi kuzuka upya pindi mwathirika anapoacha kutumia dawa.

Mmoja wa wataalamu katika Taasisi ya Taifa ya Utafiti wa Magonjwa ya Binadamu Kituo cha Mbeya (NIMR-MMRC), Clifford Majani ameuelezea utafiti huo kama mwanga mpya katika teknolojia ya kukabili VVU.

“Kama imepatikana teknolojia ya kukiondoa kirusi ndani ya seli ni hatua nzuri ya kukabili VVU. Hili lilionekana kuwa gumu mwanzoni,” alisema Majani.

Alisema imekuwa vigumu kuua kirusi kikiwa ndani ya seli na hata baadhi ya wanasayansi wamejaribu kutengeneza dawa itakayotambua seli zilizoathirika ili ziuawe lakini hilo likawa gumu.

“Inaweza ikapatikana dawa ya namna hiyo (inayoua seli zilizoathirika) lakini ikawa inaathiri vitu vingine ndani ya mwili. Hilo halikubaliki. Kikubwa katika ugunduzi huo ni dawa kuweza kukifuata kirusi kinakojificha na kukiondoa, jambo ambalo dawa nyingi zimeshindwa zikiwamo ARV,” alisema.

Hata hivyo, Majani alisema changamoto ambayo inaweza kujitokeza katika majaribio ya dawa hiyo ni usalama wakati wa matumizi.

 Lazima dawa hiyo ichunguzwe isije ikawa inaathiri viungo vingine pamoja na utendaji wa mwili kwa ujumla. Maana hapo ndipo dawa nyingi zinaposhindwa… Tusubiri tuone hii inaweza kuwa na matumaini zaidi,” alisema Majani.

Mkutano wa Ukimwi

Ugunduzi huo umekuja wakati wanasayansi, waunda sera na wadau wa mapambano ya VVU wakiwa wanatoa kauli za kukata tamaa kwenye mkutano wa Ukimwi unaomalizika kesho huko Melbourne, Australia.

Wanasayansi kadhaa wanaotoka kwenye taasisi kubwa za utafiti za VVU wameweka wazi kuwa tafiti nyingi zilizokuwa na matumaini zimeshindwa kufanya kazi kwa asilimia 100 baada ya dawa zake kufanyiwa majaribio kwa sababu dawa zake zinapotumika, vipimo huonyesha wamepona lakini baada ya muda VVU hurejea upya.

“Kinachoonekana ni kwamba virusi hivi hujificha sehemu fulani ya mwili ili visiathirike na kusubiri mtu aache dawa ili virejee upya kushambulia CD4,” alisema Mkurugenzi wa Taasisi ya Utafiti ya wa Magonjwa ya Kuambukiza na Kinga ya Peter Doherty ya Australia, Profesa Sharon Lewin.

Dawa mpya inavyofanya kazi

Dk Khalili alisema wametengeneza dawa yao kwa protini maalumu ambayo inakata sehemu ya seli iliyoshambuliwa na kirusi cha Ukimwi na kukivuta nje.

Baada ya kukivuta, dawa huachana na seli hiyo na kuiacha ikijitibu yenyewe na kupona kabisa kiasi cha kuendelea na kazi zake za kinga mwilini mwa binadamu bila tatizo.

VVU kwa kawaida hushambulia seli kinga aina ya CD4 na kuzifanya kama kiwanda cha kuzalishia virusi vingine.

Kwa kawaida seli ikishaingiliwa na kirusi, huacha kazi yake ya kinga ya mwili na badala yake kuchukua jukumu la kutengeneza VVU.

“Dawa yetu inafanya kazi kwa haraka, kwa makini na bila kuathiri seli,” alijigamba Dk Khalili.

Alisema tayari imefanyiwa majaribio maabara na kuonekana inafanya kazi vizuri na sasa wamehamishia majaribio kwa wanyama.

Katika maabara, alisema dawa hiyo ilifanyiwa majaribio kwa damu ya binadamu na ikaonyesha kufanya kazi kwa asilimia 100.

Dk Khalili anaamini kwamba majaribio hayo yatawachukua miaka michache... “Lakini tunaamini ni mfumo ambao utaweza kufanya kazi vizuri kwa binadamu.”

Alisema wanachofanya sasa ni kuangalia mfumo ambao utakuwa mzuri zaidi kwa ajili ya tiba ya binadamu.

Kwa namna teknolojia ya dawa hiyo ilivyo, alisema wanaweza kuitumia kwa ajili ya kuwatibu wale ambao tayari wameambukizwa na hata kuwakinga wale ambao siyo waathirika.

Uzuri wa dawa hiyo, pia alisema inaweza kutumiwa na mtu ambaye anatumia ARV pasipo kuingiliana kiutendaji.

Ugunduzi wao ulichapishwa kwenye Jarida la Taifa la Elimu ya Sayansi la National Academy of Science la Marekani na kuonekana kuvuta hisia za wengi.

Hali ya Ukimwi duniani

Akizungumza kwenye mkutano wa Melbourne, Profesa Lewin alisema tafiti za sasa zinaonyesha kuwa karibu watu milioni 14 duniani wanaishi na VVU.

Alisema mamilioni ya watu hao wamekuwa wakisaidiwa kwa kutumia ARV, wakati huu ambao bado hakuna kinga wala tiba, inayoaminika.

Alisema ingawa tafiti nyingi hazijaonyesha matumaini waliotarajia ya kupata kinga na chanjo, bado juhudi zinaendelea ili kuhakikisha wanafikia mahali HIV inakuwa haina nafasi katika mwili wa mwanadamu.

Alisema pamoja na matokeo hasi ambayo yamejitokeza kwenye tafiti nyingi, bado anaamini kwamba ipo siku chanjo na tiba vitapatikana.

Wanasayansi waliohudhuria mkutano huo waliitaka dunia isiogope kutokana na kushindwa kwa baadhi ya tafiti kama ilivyokuwa kwa mtoto wa Jimbo la Mississippi, nchini Marekani ambaye alitangazwa amepona na baadaye virusi vikaibuka upya.

Posted By Unknown23:13

0

Continue Reading

BOKO HARAM WAFANANISHWA NA MAGAIDI WA KIMATAIFA

Baraza la Usalama la UN

Baraza la usalama la umoja wa mataifa hatimaye limeidhinisha kuwekewa vikwazo kundi la Boko Haram baada ya utekaji nyara wa takriban wasichana 300 wa shule katika eneo la Chibok Nigeria.

Kundi hilo limeshutumiwa kuwaua maelfu ya watu nchini Nigeria katika miaka michache iliyopita.

Nigeria ni mwanachama wa baraza la usalama la Umoja wa mataifa kwa kipindi cha miaka miwili. Kwa nafasi hii imeweza kushinikiza baraza hilo kuimulikia tochi.

Vikwazo na adhabu

Hatua ya baraza hilo kuiorodhesha Boko Haram miongoni mwa magaidi wa kimataifa, wakipishana au hata kuhusishwa moja kwa moja na AL Qaeda, huenda isionekane kama hatua kubwa. Lakini hii ina maana kuwa sasa jamii ya kimataifa italichukulia kwa uzito mkubwa zaidi kundi hilo.
Baraza hilo limeidhinisha pia vikwazo kuwekewa kundi hilo, viongozi wake na yeyote anayehusishwa nalo. Hii ina maana kuwa hata mali zao zitazuiliwa na akaunti zao zote zinazojulikana kufungwa.

Jamii ya kimataifa

Mjumbe wa Marekani katika Umoja wa mataifa Samantha Power amepongeza hatua hiyo akisema kuwa itaimarisha vita vya serikali ya Nigeria dhidi ya Kundi hilo, ambalo limetikisa jamii ya kimataifa mwezi uliopita kwa kuwateka zaidi ya wasichana mia mbili wa shule.
Kwa upande wake mjumbe wa Australia katika baraza hilo balozi Gary Quinlan amesema kuwa wanao ushahidi wa kutosha kuwa Boko Haram wamepewa mafunzo na kundi la Al Qaeda hasa namna ya kujitengenezea mabomu, mtindo ambao umekuwa mbinu mpya zaidi ya ugaidi.

Abubakar Shekau wa Boko Haram

Kiongozi wa Boko Haram Abubakar Shekau amenukuliwa katika mtandao akitoa matamshi ya kuunga mkono AL Qaeda nchiuni Afghanistan, Yemen na Somalia.

Magaidi wanaojulikana

Kabla ya kujumuishwa Boko Haram katika orodha ya Al Qaeda, kulikuweko makundi 62 kote duniani waliowekewa vikwazo kuhusika na Ugaidi, na watu binafsi 162, ambao wamewekewa vikwazo vya usafiri na mali zao kutwaliwa.

Wamesababisha maafa

Shughuli za Boko Haram katika miaka 5 iliyopita zimesababisha vifo vya maelfu ya waislamu na wakristu wakiwemo watu 1500 waliouawa mwaka huu pekee.
Jina la Boko Haram lina maanisha masomo ya magharibi ni Haram na kundi hilo limetumia nembo hiyo kuendeleza mashambulio yao na chuki dhidi ya chochote kinachhusishwa na nchi za magharibi.

Posted By Unknown21:15

0

Continue Reading

WAZIRI AJIUWA BAADA YA KUSHINDWA UCHAGUZI MALAWI

Naibu waziri wa serikali za mitaa wa Malawi amejipiga risasi na kujiua nyumbani kwake mjini Lilongwe.

Godfrey Kamanya alikuwa anayegombea kutetea kiti chake cha ubunge katika jimbo la Nzonzi Kusini amejiua alfajiri ya leo katika mojawapo ya vyumba vya nyumba yake iliyopo Area Ten mjini Lilongwe.

Mwili wa marehemu umehifadhiwa kwenye hospitali kuu ya Kamuzu mjini humo, na jeshi la polisi litatoa taarifa rasmi ya kifo hicho baada kukamilisha uchunguzi.

Haijajulikana sababu za Kamanya kujiua japokuwa ameacha barua ya maelezo ambayo polisi wataitoa baadae.

Matokeo ya kura bado hayajatangazwa rasmi katika kile kinachosemekana kuwa uchaguzi wenye ushindani mkali sana.

Afisa mkuu wa uchaguzi, amesema kuwa mfumo wa elektroniki umeharibika na maafisa wanatumia matokeo kwa njia ya barua pepe.

Posted By Unknown04:11

0

Continue Reading

UTATA WABAINISHWA KUHUSU KIFO CHA MENEJA WA EWURA

Wakati kukiwa na utata wa kifo cha Meneja wa Biashara ya Petroli wa Mamlaka ya Udhibiti wa Nishati na Maji (EWURA), imebainika kuwa tofauti ya takwimu kati ya mamlaka hiyo na Mamlaka ya Mapato Tanzania (TRA), iliyotolewa kwenye Kamati ya Bunge ya Bajeti ni Sh25 bilioni.

Meneja huyo, Julius Gashaza alikuwa akihudhuria kikao kilichokuwa kikijadili tofauti hiyo bungeni Dodoma na baadaye aliporudi Dar es Salaam akakutwa amejinyonga hotelini huku ikielezwa kuwa alirudi akiwa amejawa hofu na kukosa amani.

Vyanzo vyetu ndani ya kamati hiyo vimeeleza kuwa tofauti iliyobainika katika hesabu za taasisi hizo za Serikali ni lita 11,755,161, ambazo zingeuzwa kwa bei ya sasa ya petroli mkoani Dar es Salaam ya Sh2,200 zingepatikana Sh25.86 bilioni.

Kwa mujibu wa vyanzo hivyo, takwimu za TRA zinaonyesha kuwa kati ya Julai 2013 hadi Machi mwaka huu, kiasi cha mafuta kilichoingizwa nchini kilikuwa lita 2,189,240,000 wakati Ewura ilionyesha ni lita 2,177,484,839.

Hata hivyo, baada ya utata huo na Kamati ya Bajeti chini ya Andrew Chenge kuitaka Serikali itoe ufafanuzi wa tofauti hizo, Serikali iliwasilisha taarifa yake Jumapili ikisema takwimu zote ni sawa.

Katika ufafanuzi wake, Naibu Waziri wa Fedha, Mwigulu Nchemba alisema uhakiki wa takwimu hizo ulibaini kuwa zote zilikuwa ‘sahihi’ na kwamba tofauti iliyopo inatokana na upimaji wa mafuta.

Nchemba alikaririwa akisema TRA hupima mafuta kwenye meli mara inapoingia na kukadiria kodi wakati Ewura hupima mafuta yanapopokewa kwenye matanki.

“Kwa kuwa wakati mwingine meli hutumia muda mrefu tangu zinapoingia hadi zinapoteremsha mafuta, sehemu ya mafuta ambayo TRA huhesabu kama yameingizwa katika mwezi mmoja wakati Ewura hupata takwimu za kiasi cha baadhi ya mafuta hayo katika mwezi unaofuata na hiyo ndiyo iliyosababisha kuwapo kwa tofauti hiyo ambayo hata hivyo ni ndogo.”

Kulingana na takwimu hizo, kiasi cha mafuta kilichoonyeshwa na TRA kilikuwa juu kuliko kile kilichoonyeshwa na Ewura na haijajulikana iwapo kutofautiana huko kwa takwimu kuliifanya Serikali kumweka kitimoto Gashaza.

Alikuwa na hofu
Sintofahamu imeendelea kugubika kifo cha Gashaza na sasa imeelezwa kuwa alirudi kutoka Dodoma akiwa amejawa hofu na kukosa amani.

Mkurugenzi Mkuu wa Ewura, Felix Ngamlagosi alisema jana kuwa ingawa hakuzungumza na Gashaza baada ya kurudi kutoka Dodoma, taarifa za polisi na kutoka kwa mkewe zinaeleza kuwa alirudi akiwa na hofu na ndiyo sababu ya kuondoka nyumbani kwake na kwenda kulala hotelini.

“Tumepata mshtuko mkubwa kuhusu msiba huu. Ndiyo maana tunataka kujua alikuwa na hofu ya nini na kwa nini. Kama alitishiwa maisha ni watu gani walimtishia maisha. Ndiyo majibu tunayoyataka kutoka kwa wanausalama,” alisema Ngamlagosi.

Mkurugenzi huyo alisema si kweli kuwa marehemu Gashaza alikwenda bungeni kuhojiwa na Kamati ya Bunge ya Bajeti, bali alikwenda kuhudhuria mkutano wa kawaida ambao haukuwa ukihusisha Ewura na tuhuma zozote.

“Gashaza alikwenda kuniwakilisha, hakwenda kwa minajili ya kuhojiwa, Ewura iliitwa kushiriki mkutano wa kawaida, ambao ni miongoni mwa taratibu za kawaida za kazi,” alisema.

Ngamlagosi alisema kifo cha Gashaza bado ni kitendawili kikubwa ambacho kinaweza kufumbuliwa na watu wa usalama pekee, kwa kuwa meneja huyo alikuwa mwadilifu na tegemeo kubwa kwa mamlaka hiyo.

“Tunamfahamu kama mtu ambaye si mwepesi kurubuniwa kwa lolote lile, hakuwahi kukumbwa na kashfa yoyote ile tangu aanze kazi hapa mwaka 2007,” alisema na kuongeza:

“Ameleta mabadiliko makubwa kwenye mamlaka. Mpaka sasa hatujui nini au nani amemkwaza.”

Alisema Gashaza alikuwa mwadilifu kwa kiasi kikubwa licha ya kuwa alikuwa akifanya kazi kwenye kitengo nyeti cha ukaguzi wa mafuta ambako majukumu yake makuu yalikuwa ni kuangalia ubora, miundombinu, biashara, bei na ununuzi wa mafuta, kusimamia uingizwaji wa mafuta nchini, utoaji wa leseni na kuangalia jinsi wafanyabiashara wanavyofanya kazi.

Mhudumu wa gesti
Mhudumu wa gesti ya Mwanga Lodge ambayo Gashanza alipanga kabla ya mauti kumkuta, Ngina Riwa alisema mteja wake huyo alifika Jumamosi saa 3:00 usiku na kupanga chumba namba 113.

Alisema baada ya muda mfupi walifika watu watatu, wanawake wawili na mwanamume mmoja na kuonana na mteja wao na baada ya kushauriana kidogo wakaingia naye chumbani.

“Huko chumbani hawakukaa sana na haikuzidi hata nusu saa na baadaye yule mteja akatoka nao kuwasindikiza. Hakufika mbali, akarudi tena na kuingia chumbani.

Riwa alisema wakati mteja wake anaingia chumbani kulala ilikuwa takribani saa nne usiku na hakutoka tena.

Alibainisha kuwa asubuhi kati ya saa 12:30 na 1:00 asubuhi alikuja tena yule rafiki yake mwanamume kumulizia mteja wake kama alikuwa ameamka.

“Alikwenda kumgongea lakini hakufungua, akarudi kwangu tukaenda naye tukagonga hakufungua, ndipo tukashirikiana na mlinzi kufungua dirisha kwa nje na kumwona akiwa amelala chini.

“Tukawapigia simu polisi kutoka Kituo cha Ali Mboa ambao hawakuchukua muda wakaja. Baadaye wakaja polisi wenye vyeo vya juu wakapimapima wakaondoka na mlinzi na bosi wetu kama saa tatu asubuhi hivi,” alisema mhudumu huyo.

Uchunguzi wa polisi
Kamanda wa Polisi wa Mkoa wa Temeke, Engbert Kiondo alisema uchunguzi wa chanzo cha kifo hicho unaendelea kwa kuangalia maeneo matatu.

Alisema utajielekeza kubaini kama kulikuwa na mgogoro wowote wa kifamilia au iwapo alikuwa na tatizo lolote kazini kwake kabla ya kifo chake na mazingira kilipotokea kifo hicho na baada ya kujiridhisha watatoa taarifa kamili kwa vyombo vya habari.

“Kuna maswali mengi ya kujiuliza kwa nini hakutaka kulala nyumbani kwake usiku ule badala yake akaamua kulala hotelini, tunafanya upelelezi kubaini nini hasa kilimsukuma kujinyonga,” alisema.

Alisema pia wanasubiri ripoti ya uchunguzi ya daktari ambayo wataitumia katika upelelezi wao kubaini chanzo.

Alisema polisi watachunguza kama Gashaza alijinyonga kweli au aliuawa na kutengenezewa mazingira ya kujinyonga.

Ampigia simu rafiki yake
Kiondo alisema Gashaza alipofika katika nyumba ya kulala wageni, alimpigia simu rafiki yake wa karibu anayeitwa Sibitwango na kumweleza kuwa mambo yamekuwa magumu na hakujisikia vizuri.

Usiku huo, Kiondo alisema Sibitwango pamoja na mke wa marehemu Judith walimfuata katika hoteli aliyofikia na kumsihi arudi nyumbani akapumzike lakini yeye (Gashaza) alisisitiza kulala hapo kwa sababu tayari alikuwa ameshalipia chumba hicho.

Kiondo alieleza kuwa siku iliyofuata Sibitwango mwenyewe ndiye aliyetoa taarifa polisi na kueleza mazungumzo yao kabla ya kifo.

Utata bungeni
Wakati inaelezwa kuwa kulikuwa na tofauti ya takwimu kati ya zile za TRA na Ewura kuhusu kiwango cha mafuta kilichoingia kwenye soko, taarifa zaidi zimeeleza kuwa katika kikao cha Kamati ya Bajeti, Gashaza hakuulizwa swali hata moja.

Mmoja wa wajumbe wa kamati hiyo alisema marehemu hakuhojiwa labda kilichomfanya ajiue ni hofu iliyotokana na mahojiano baina ya kamati hiyo na watendaji wa Wakala wa Nishati Vijijini (Rea).

Alisema kamati hiyo iliwaita viongozi wa Wizara ya Fedha na Wizara ya Nishati na Madini ili kuwahoji kwa nini Sh50 zilizoongezwa katika mafuta ya petroli na dizeli hazikwenda Rea?

Mjumbe huyo alisema kati ya zaidi ya Sh100 bilioni zilizotakiwa kwenda Rea ni Sh17 bilioni tu zilizopelekwa na fedha nyingine zilielekezwa kwenye matumizi mengine ambayo hayakuidhinishwa na Bunge.

Imeandikwa na Daniel Mjema, Sharon Sauwa na Fidelis Butahe, Florence Majani, Nuzulack Dausen na Peter Elias via gazeti la MWANANCHI

Posted By Unknown09:50

0

Continue Reading

MILIPUKO MIWILI YATOKEA KATIKA SOKO

Milipuko hiyo imetokea katika soko ambalo lina shughuli nyingi na ambalo lilikuwa na msongamano wa watu eneo la Kati mwa Nigeria.

Mwandishi wa BBC Ishaq Khalid aliye mjini humo anasema kuwa kuna hofu ya watu wengi kujeruhiwa hasa kwa kuwa soko hilo lilikuwa na idadi kubwa ya watu.

Haijulikani kilichosababisha milipuko hiyo mjini Jos, mji ambao umeshuhudia mashambulizi makali kati ya wakristo na waisilamu.

Kundi la Boko Haram, pia limekuwa likifanya mashambulizi katika mji huo.

Posted By Unknown09:33

0

Continue Reading

KAMPUNI YA COCA-COLA YAAMUA KUONDOA KIUNGO TATANISHI KATIKA VINYWAJI VYAKE

Bidhaa ya BVO tayari imeondolewa katika Kinywaji cha Powerade chenye ladha tofauto tofauti

Kampuni kubwa zaidi ya vinywaji duniani Coca-Cola, inapanga kuondoa kiungo tatanishi katika baadhi ya vinywaji vyake ifikapo mwishoni mwa mwaka huu.

Hii ni kufuatia shinikizo kutoka kwa wateja wa vinywaji hivyo nchini Marekani waliotia saini ujumbe wa kusihinikiza kampuni hio kuondoa kiungo hicho kupitia kwenye matandao. 

Kiungo hicho ni kemikali yenye mafuta ya kupikia iitwayo (Brominated vegetable oil au BVO) inayopatikana katika vinywaji kama Fanta na Powerade kinywaji cha kuongeza mwili nguvu.

Kampuni hasimu ya vinywaji Pepsi iliondoa viungo hivyo vya kemikali kutoka katika kinywaji chake kijulikanacho kama Gatorade mwaka jana.

Nchini Japan na katika muungano wa Ulaya kiungo cha BVO hakiruhusiwi kuongezwa katika vyakula au vinywaji.

Je nini umuhimu wa kiungo cha BVO?

Kampuni ya Coke hukitumia ili kuzuia viungo vingine vilivyo katika vinywaji hivyo kuachana.

Lakini watafiti wanasema kuwa kiungo hicho kinaweza kusababisha mtu kuwa msahaulifu ,kupata maradhi ya ngozi na matatizo ya Neva za mwili.

Hata hivyo msemaji wa kampuni ya Coke Josh Gold amesema kuwa hatua ya kuondoa kiung hicho sio kutokana na tisho la kiafya kwani vinywaji vyake vyenye kiungo cha BVO viko salama na daima vimekuwa salama.

Kampuni hiyo imesema kuwa kiungo cha BVO hakitumiki sana katika nchi nyingi lakini kitaondolewa katika bidhaa zake zinazouzwa nchini Canada na Marekani ya Kusini.

Hatua ya Coke imetokana na shinikizo za watu na wadadisi wanasema kuwa ni funzo kwa kampuni nyingine kuanza kuhakikisha usalama wa bidhaa za o kiafya.

Kampeini hiyo ilianzishwa na kijana mmoja anayeishi katika jimbo la Mississippi, aliyehoji kwa nini Coke inatyumia kiungo hicho katika vinywaji vinavyotumiwa na wanariadha.

Posted By Unknown11:04

0

Continue Reading

UCHUNGUZI UMEBAINI NAHODHA MKUU WA FERI YA SOWEL HAKUWEPO KWENYE USUKANI

Waokoaji wamefaulu kuingia ndani ya feri iliyozama

Naibu wa tatu wa nahodha wa ferri iliyozama ''Sewol'' ndiye aliyekuwa usukani wakati feri hiyo ilipozama.

Uchunguzi wa kimsingi umebaini.

Nahodha mkuu haijabainika alikuwa wapi wakati wa tukio ila inadhaniwa feri hiyo iligonga mwamba na kupinduka kwa haraka baada ya shehena yake kuegemea upande mmoja.

Wachungizi sasa wanaelekeza juhudi zao kubaini kwanini Nahodha wa Sewol hakuwa kwenye usukani na pia kwanini baada ya tukio la kwanza abiria walikanywa wasiruke baharini ilikuokoa nafsi zao kama ilivyodesturi chombo
kikigonga mwamba ?

Waokoaji wamefaulu kuingia ndani ya feri iliyozama

Kiongozi wa Mashtaka ya umma nchini Korea bwana Park Jae-Eok amesema kuwa nahodha mkuu Lee Joon-seok,atakuwa na swali la kujibu .

Kufikia sasa abiria 270 waliokuwa ndani ya feri hiyo hawajulikani walipo asilimia kubwa kati yao wakiwa ni wanafunzi waliokuwa wakieleka katika kisiwa cha Jeju kwa safari ya masomo.
Watu 26 pekee ndio wamedhibitishwa kufariki kufikia sasa, huku 179 wakiokolewa.

Muundo wa feri iliyozama

Makundi ya waokoaji wamefanikiwa kuingia ndani ya feri hiyo kwa mara ya kwanza leo asubuhi baaha ya kutoboa shimo upande wa juu wa chombo hicho kilichozama.

Waokoaji walikuwa wameshindwa kuingia ndani ya feri hiyo baada ya bahari kuchafuka.

Mamia ya jamaa na marafiki ya wahasiriwa wamelalamikia ukosefu wa habari za uokaji .
Wengi wamekuwa wakivumilia hali mbaya ya hewa wakiomba kuruhusiwa kusubiri wapendwa wao ufukweni.

Posted By Unknown23:05

0

Continue Reading

KOREA KUSINI:WATU ZAIDI YA 300 BADO HAWAJAPATIKANA

Zaidi ya watu miatatu bado hawajapatikana baada ya meli iliyokuwa imewabeba wanafunzi kuzama nchini Korea Kusini.

Awali maafisa walikuwa wamesema kuwa wengi wa abiria waliokuwa katika meli hiyo waliokolewa.

Baadhi ya walionusurika wamekuwa wakielezea hali ilivyokuwa ya kutisha ndani ya meli ilipoanza kusimama kwa kuyumba, ikiegemea upande mmoja na haraka kuanza kuzama.

"Kwa kweli kulikuwa na sauti kubwa na meli ghafla ikaanza kuegemea upande mmoja," amesema abiria aliyeokolewa, Kim Song-Muk.

"watu walikuwa wakihangaika kukimbilia maeneo ya juu ya meli, lakini ilikuwa vigumu kufanya hivyo kutokana na meli kupinduka."

Bado haijafahamika kilichosababisha kuzama kwa meli hiyo, ambayo kwa kiasi kikubwa iliwabeba wanafunzi wa shule, lakini watu walionusurika katika ajali hiyo wanatoa maelezo sawa kuhusu tukio hilo la kutisha.

Kikosi cha Walinzi wa Pwani ya Korea Kusini kimesema abiria wapatao mia tatu hawajulikani walipo baada ya meli kupinduka na kuzama.

Watu wawili wamefahamika kupoteza maisha na watu mia moja na sitini na wanne wameokolewa.

Wengi wa abiria wa meli hiyo walikuwa wanafunzi wa sekondari wakiwa katika safari ya masomo kuelekea kisiwa cha Jeju, nchini Korea Kusini.

Meli hiyo ilikuwa na watu 460. Zaidi ya miatatu hawajapatikana , wengine 164 wameokolewa na wengine wawili wamethibitishwa kufariki.

Posted By Unknown10:04

0

Continue Reading

KITUO CHA MABASI CHALIPULIWA

Watu kadha wameripotiwa kuuawa nchini Nigeria kutokana na milipuko miwili iliyotokea katika kituo cha mabasi katika mji mkuu wa Nigeria, Abuja.

Mwandishi wa BBC mjini Abuja, Haruna Tangaza anasema milipuko hiyo ilitokea wakati abiria wakiwa katika harakati za kupanda mabasi na teksi wakienda maofisini katikati ya mji wa Abuja.

Watu walioshuhudia tukio hilo wanasema miili ya watu imetapakaa katika eneo la tukio.

Waandishi wa habari wanasema huenda tukio hili ni shambulio la kikundi cha wapiganaji wa Kiislam kijulikanacho kama Boko Haram.

Mmoja wa walioshuhudia mlipuko huo, Badamsi Nyanya ameiambia BBC kuwa ameona miili 40 ikiondolewa. Watu wengine walioshuhudia tukio hilo wanasema wamewaona wafanyakazi wa uokoaji na polisi wakiokota sehemu za miili zilizotawanywa na milipuko hiyo.

Mlipuko huo ulichimba chini mita 1.2 katika viwanja vya Nyanya Motor Park, kiasi cha kilomita 16 kutoka katikati ya jiji, na kuharibu zaidi ya magari 30, na kusababisha mlipuko zaidi kutokana na matangi ya mafuta ya magari hayo kushika moto na kuwaka.

Magari ya wagonjwa yamekuwa yakibeba miili ya watu waliokufa na wale waliojeruhiwa katika hospitali za karibu.

Shuhuda mwingine Bi Mimi Daniels, ambaye anafanya kazi mjini Abuja, anasema: "nilikuwa nasubiri basi niliposikia mlipuko mkubwa halafu nikaona moshi," ameiambia Reuters.

"Watu walikuwa wakikimbia ovyo kutokana na taharuki."

Posted By Unknown07:26

0

Continue Reading

NIGERIA YALALAMIKA YASEMA MUGABE AMEWATUSI

Mwanabalozi wa Zimbabwe nchini Nigeria ameitwa akajieleze kwa sababu ya matamshi ya Rais Robert Mugabe kuhusu rushwa.

Mwezi uliopita Rais Mugabe alilalamika kuwa Wa-Zimbabwe wanaanza kuwa kama Wa-Nigeria - wakitaka jambo lifanyike inabidi watie mkono mfukoni.

Wizara ya mashauri ya nchi za nje ya Nigeria imemwambia balozi wa Zimbabwe, Stanley Kunjeku, kwamba hawakubali shambulio hilo la kuwatusi.

Posted By Unknown12:17

0

Continue Reading

MADAKTARI WAKUZA UKE WA MWANAMKE KATIKA MAABARA

 

Ni mara ya kwanza kwa uke wa mwanamke kukuzwa katika maabara

Madaktari nchini Marekani wamefanikiwa kuwatengezea wanawake wanne sehemu ya uke kwa njia ya kisayansi.

Walitumia mfano wa seli ya uke na mifupa ya mwili kuweza kukuza uke huo katika maabara kwa kuzingatia wastani na umbo la kila mwanamke.

Baada ya matibabu hayo, wanawake hao wote inaarifiwa walielezea kupata hisia sawa na kamilifu,matamanio, kuridhishwa wakati wa tendo la ndoa pamoja na kutopata maumivu yoyote wakati wa tendo la ndoa.

Wataalamu walisema kuwa utafiti wao, ambao matokeo yake yalichapishwa katika jarida la kisayansi la Lancet, ni mfano wa hivi karibuni wa nguvu za mbinu tofauti na za kisasa za matibabu.

Wanawake hao walizaliwa na uke ambao haukuwa umeumbika vyema yaani ulikuwa na kasoro ya maumbile , tatizo linalojulikana kama ‘vaginal aplasia.’

Matibabu ya kisasa kwa tatizo kama hilo la kiafya yanaweza kuhusisha upasuaji ambapo ngozi au sehemu ya utumbo inatumika.

Celi zilichukuliwa kutoka kwa kizazi cha kila wanawake hao ambacho kilikuwa na kasoro ya maumbile na kukuzwa katika maabara ili kuweza kuzaana.

Picha za kizazi cha wanawake hao zilitumia kuwarekebishia uke wao.

Hili bila shaka ni jambo geni katika sayansi ya matibabu na pia inatoa taswira ya mambo yatakavyokuwa katika siku za usoni.

Jambo la Kutumia celi za mwili kubadilisha maisha ya wagonjwa tayari limefanyika na kuwasiaidia wagonjwa kupata kibofu cha mkojo, mishipa ya damu na koo.

Sasa unaweza kuongeza kwenye orodha hiyo, uke na pua.

Source:BBC

Posted By Unknown12:08

0

Continue Reading

WHO:EBOLA KUUENDELEA KUZUKA MAGHARIBI MWA AFRIKA

Shirika la Afya Duniani, WHO, limesema kuwa kuzuka kwa Homa ya Ebola Magharibi mwa Afrika ni mojawapo ya changamoto kubwa zaidi ambazo limewahi kukabiliana nayo.

Shirika hilo limesema kuwa italichukua hadi miezi minne kuthibiti ugonjwa huo. Wakati huohuo shirika la kutoa misaada ya matibabu ya bure, Medicins Sans Frontieres, limesema kuwa linaendelea kufanya mashauriano na viongozi wa kijamii katika Wilaya moja Kusini mwa Guinea, ambalo lilisimamisha shughuli zake baada ya vituo vyake kadhaa kushambuliwa na wakaazi wa eneo hilo.

Msemaji wa shirika hilo katika mji mkuu wa Guinea wa Conakry - Sam Taylor - amesema inaeleweka kwamba watu wana uoga mkubwa.

"Sio taharuki, kimsingi huu ni uoga. Na tunaelewa hilo. Ni ugonjwa wa kugovya na pia ni mpya nchini Guinea, na kuna uvumi unaosambaa na pia kuna habari za kuotosha zinazoenea; na tunachohitaji kuona kwa wingi sasa ni watu kwenda kwa jamii mbalimbali kueleza ugonjwa huu, jinsi unavyoenea, na jinsi usivyoenea," alisema Bwana Taylor.

Ugonjwa huo umewaua watu 111 katika nchi za Guinea na Liberia tangu uchipuke mwezi uliopita.

Posted By Unknown03:34

0

Continue Reading

TOYOTA YAREJESHA MAGARI MILIONI 6.5 VIWANDANI

 

iToyota yaagiza magari milioni 6.5 kurejeshwa viwandani 

Kampuni kubwa ya uundaji na uuzaji wa magari ya Japan, Toyota i meagiza magari milioni sita unusu kurejeshwa ilikufanyiwa ukarabati kutokana na upungufu mbalimbali.

Idadi hiyo ya kurejeshwa magari ni kubwa mno kurejeshwa viwandani.

Kampuni hiyo kubwa zaidi duniani ya uundaji magari inarejesha magari aina ya Yaris, Urban Cruiser, RAV4 na Hilux.

Kuna hitilafu katika kifuko cha hewa cha kumlinda dereva -(air bag) katika jumla ya magari milioni tatu, ikiwa haiwezi kuchomoka ili kimlinda dereva wakati wa ajali.

Aidha kuna hitilafu pia katika baadhi ya viti, usukani na kifaa cha mota ya kuwasha magari.

Kampuni ya Toyota inasema haijabaini ni ajali ngapi, majeruhi au maafa ambayo yamesababishwa na matatizo hayo yaliyogundulika majuzi.

Jumla ya magari 20,000 yanahitilafu ya mota ya kuwasha .

Mwezi Februari , Toyota iliagiza magari milioni 1.9 aina ya Prius hybrid yaregeshwe kutokana na hitlafu iliyopelekea magari hayo kupoteza mwendo ghafla.

Kwa Jumla magari milioni 25 yamearegeshwa katika kipindi cha miaka miwili u nusu iliyopita .

Posted By Unknown03:24

0

Continue Reading

MSAKO NCHINI KENYA WAZIDI KUENDELEA

Maafisa wa Polisi nchini Kenya wanasema wamekamata zaidi ya watu elfu tatu katika msako dhidi ya wageni nchini humo .

Msako huo ulianza Ijumaa, baada ya mashambulizi ya gurunade wiki iliyopita katika eneo la Eastleigh linalokaliwa zaidi na wasomali katika mji mkuu Nairobi.

Wengi wa waliokamatwa ni wasomali .

Inspekta mkuu wa polisi , David Kimaiyo, amesema kuwa watu 450 bado korokoroni asili mia kubwa yao ikiwa katika uwanja wa michezo wa Kasarani huku waliosalia wakiruhusiwa kwenda zao baada ya kuchunguzwa na maafisa wa usalama na wale wa uhamiaji kubaini uhalali wao .

Umoja wa Mataifa, makundi ya kutetea haki za binadamu na jamaa wa watu hao wanasema hawajapewa ruhusa ya kuwaona wapendwa wao.

Waziri wa mambo ya ndani wa Kenya Joseph Ole Lenku, anasema wale ambao hawana vibali vya kuishi nchini watachukulia hatua zaidi.

Sitini na tisa wamepelekwa mahakamani kwa madai ya kuwepo nchini Kenya bila idhini au kumiliki stakabadhi gushi.

Msako Kenya waendelea

Mwandishi wetu Robert Kiptoo ambaye amezuru mtaa huo wa Eastleigh ametueleza kuwa msako wa polisi dhidi ya wahamiaji haramu na washukiwa wa ugaidi bado unaendelea .

Msemaji wa polisi nchini Kenya Masoud Mwinyi amekanusha madai kuwa polisi wanalenga jamii moja ama watu wa dini moja.

Mashirika ya kijamii na yale ya kutetea haki za kibinadamu yanalalamika kuwa yamenyimwa fursa ya kuwatembelewa washukiwa hao waliokamatwa.

Miongoni mwa waliokamatwa ni raia wa Kenya, Uganda, Sudan, Sudan Kusini ,hata hivyo idadi kubwa inatoka Somalia.

Aidha ripoti zinasema kuwa wageni wengi wamekimbilia miji mingine nchini Kenya kukwepa msako huo wa polisi lakini.

Serikali imetoa onyo kwa Wakenya kutowasaidi watu ambao wanawashuku kuwa wageni.

Serikali ya Kenya imeonya kuwa haitawavulimia wakimbizi mijini ikisema kuwepo kwao mijini kunahujumu usalama wa taifa.

Posted By Unknown10:43

0

Continue Reading

PICHA YA ORTIZ AKIWA NA RAIS OBAMA YAZUA KIZAZAA

Ikulu ya Whitehouse imeikashifu kampuni ya simu ya Samsung kwa kutumia picha ya Rais Barack Obama aliyojipiga na mchezaji maarufu nchini Marekani David Ortiz kama tangazo la kibiashara.

Picha hiyo ilipigwa na Ortiz mwenyewe akiwa na Rais Obama akitumia simu yake ya Samsung mapema wiki.
Hata hivyo kampuni ya Samsung iliisambaza kupitia kwa mtandao wa kijami wa Twitter kwa wateja wake na watu milioni 5.2 wanaoifuata kwa Twitter.

Msemaji wa Ikulu ya White House, Jay Carney, alisema kuwa picha ya Rais haipaswi kwa njia yoyote kutumiwa kwa sababu za kujinufaisha kibiashara.
Wakuu wa Samsung hawajasema lolote kuhusu malalamiko ya White House.

                                         
                         

Ortiz mwenyewe alisema kuwa watu zaidi ya 40,00 waliisambaza picha hiyo kupitia Twitter

Bwana Carney amesema kuwa mawakili wa White House wanashauriwa kuhusu kitendo hicho cha Samsung.

"bila ya kusema mambo mengi, nataka niwaambie tu kwamba White House inapinga vikali jambo hili,'' alisema Carney

Ortiz alimpa Rais Obama Jezzi maalum kutoka kwa klabu anayochezea ya Red Sox ikiwa na jina la Rais siku ya Jumanne na jkisha kumshawishi kujipiga naye picha mwenyewe inayojulikana kama 'Selfie'.

"Nilimpa Jezzi na wapiga picha waka wanatupiga picha, basi nilijhisi na mimi kujipiga naye picha'' alisema mchezaji huyo.
Alikana kuwa kampuni ya Samsung ilimlipa pesa kwa picha hio.

Posted By Unknown23:44

0

Continue Reading

MTOTO WA MIAKA MIWILI AOKOA MAISHA YA MAMA YAKE

Mtoto mwenye umri wa miaka miwili nchini Uingereza Riley Ward amepokea sifa kedekede kwa kuokoa maisha ya mamake kwa kupiga nambari ya simu 999 baada ya mamake kuzimia.

Wahudumu wa afya katika kituo cha kupokea simu za dharura nchini Uingereza walisema kuwa walipokea simu ya mtoto mdogo aliyewambia ''Mama amelala''

Wahudumu hao walifanikiwa kwenda nyumbani kwa mtoto huyo katika mtaa Leicestershire, na kumpa huduma ya kwanza mamake mtoto huyo na kisha kumpeleka hospitalini.

Walimfanyia upasuaji wa dharura baada ya kupatikana na damu iliyokuwa imeganda kichwani huku akivuja damu nyingine kutoka katika kizazi chake.

Sasa mtoto huyo Riley Ward amezawadiwa kwa kitendo chake cha ujasiri na wahudumu hao waliosema kuwa huyo ndiye mtoto mchanga kabisa kuwahi kupiga simu kituoni humo.

Mamake , Dana Henry, alimtaja mwanawe kama shujaa wake mdogo.

Dana mwenye umri wa miaka 27 alisema kuwa alishtushwa sana na kitendo cha mtoto wake aliyekuwa na uwezo wa kupiga simu.

Pia alisema kuwa ameweza kuwafundisha watoto wake wadogo namna ya kupiga simu ya dharura ikiwa yeye na mumewe hawahisi vizuri.

Posted By Unknown05:13

0

Continue Reading