KIGOGO MMOJA WA UVCCM AMETANGAZA KUJIUNGA NA CHADEMA

ALIYEKUWA Mwenyekiti wa Umoja wa Vijana wa Chama Cha Mapinduzi (UVCCM) wilayani Siha, Godwin Mollel ametangaza kujiunga na Chama cha Demokrasia na Maendeleo (CHADEMA).

Mollel aliyeachia ngazi kwenye chama hicho tawala mwaka 2012 ni Mganga Mfawidhi wa Hospitali ya Mkoa wa Manyara alitangaza nia hiyo jana wakati wa Operesheni ya kumg’oa Mbunge Siha Aggrey Mwanri (CCM).

Kabla ya kutangaza nia hiyo alisema anakumbana na changamoto katika mazingira yake ya kazi ikiwemo kuundiwa tume mara kwa mara kwa ajili ya kumchunguza kwa kuwa yupo upinzani.