NDUGAI AWATAKA RADHI WABUNGE

NAIBU Spika wa Bunge Job Ndugai amewaomba radhi wabunge kwa madai kuwa pipi walizopewa katika ukumbi wa Bunge zilikuwa siyo safi.

Kauli hiyo aliitoa jana wakati akitoa matangazo ndani ya ukumbi huo muda mfupi baada ya kumalizika kwa kipindi cha maswali na majibu.

Ndugai alisema kuwa katika kikao cha juzi wabunge hao waliwekewa pipi ambazo hazikuwa na karatasi nzuri za kufutia hatua iliyotoa taswira mbaya.

“Ndugu zangu waheshimiwa wabunge naomba niombe radhi kama 

mnavyoona leo pipi ambapo zimeletwa katika meza zenu hazikuwa nzuri, karatasi zake zinaonekana kuchoka lakini nimeishawaeleza makatibu hapa hilo tatizo halitajirudiwa tena,” alisema Ndugai.

Ndugai alisema kuwa visahani vilivyowekewa pipi hizo viliambatanishwa na karatasi za kufutia ambazo hazikuwa na muonekano mzuri kwa watumiaji.

Katika hatua nyingine, Ndugai aliwataka wabunge kujikita katika kuchangia mada ambazo ziko katika kamati zilizowasilisha taarifa zao bungeni na wala sio vinginevyo.

Ndugai alitoa agizo hilo kutokana na kudai kuwa hakuwepo tangu kuanza kwa majadiliano hayo na kulazimika kuomba maelekezo kutoka kwa makatibu wa Bunge.

Alisema haelewi wabunge wanachojadili kutokana na kutokuwepo katika mijadala mbalimbali ambayo ilianza tangu kuwasilishwa kwa taarifa za kamati za kudumu za Bunge.